mt3.org

 

Дар ҷаҳони муосир ва замони пурихтилоф ҳизбу ҳаракатҳо ва сомонаҳое ҳастанд,ки кӯшиш менамоянд, мақсаду маром, ғояву андеша, афкор ва нақшаҳои худро ба ҳар роҳу васила ва ҳатто бо амалҳои тунравона амалӣ созанд. Пас аз пош хӯрдани Иттиҳоди Шӯровӣ дар аксарияти кишварҳои минтақа, аз ҷумла Ҷумҳурии Тоҷикистон маҳз ҳамин гуна ҳизбу ҳаракатҳо ва созмонҳо, аз  қабили «Ҳизб-ут-таҳрир», равияи  динии «Салафия», ҷамъияти «Ансоруллоҳ», «Кумитаи – 24» ва ғайра пайдо шуданд, ки мақсади онҳо заиф намудани пояҳои давлатдорӣ ва киштани тухми низову нифоқ дар ҷомеъа ва ноором сохтани вазъи сиёсии он мебошад. Қишрҳои амну олам, ба хусус давлатҳои мусулмонии Шарқ яке пайи дигаре ба коми ҷангу ноамнӣ гирифтор мегарданд.

Дар чунин шароити мушкил ва нобасомон, ки қудратҳои  бузургугруснаи ҷаҳонӣ туъмаҳои наву тоза мехоҳанд, моро зарур аст, ки давлати соҳибистиқлоли худ ва муллати қуҳанбунёдамонро ба ҳар роҳу восита эмин нигоҳ дорем.

Боиси нигоронӣ аст, ки ифротгарони динӣ ин як навъ кӯшишиаз дидгоҳи танги динию мазҳабӣ асоснок кардани фаъолияти гуногун ҷабҳаест, ки зӯран ғазб намудани ҳокимият, барангехтани душманию бадбинӣ миёни намояндагони динҳои мухталиф, халалдор кардани сулҳу суббот ва якпарчагии давлатҳо мебошад.

Саркардагони фирории ҳизби терористӣ ва собиқ ТТЭ ҲНИТ, ки аз ҷавобгарӣ дар назди қонун гурехта, дар кишварҳои бегона паноҳ бурдаанд, бо ҳар роҳу восита махсусан, бо таълифи хабару мақолаҳои ғаразангез тариқи сомонаҳои ифротии интернетӣ кӯшиш доранд, давлату миллати тоҷикро сиёҳу бадном намоянд. Онҳо тариқи ахбору суханони дуррӯғпардоз худро нафарони адолатпешаву ҷоннисори миллат водор намуда, вазъи ҷомеаи ҷаҳоиро вайрон месозанд.

Бе ягон шакку шубҳа гуфтаҳои Хоҷа Ҳофиз ба рафтору кирдори онҳо рост меояд, ки гуфтааст:

Воизон, к-ин ҷилва дар меҳробу минбар мекунанд,

Чун ба хилфат мераванд, в-он кори дигар мекунанд.

ТТЭ ҲНИТ дар тамоми фаъолияти хеш ба ҷуз зиёни маънавиву иқтисодӣ ва сиёсиву иҷтимоӣ ҳеҷ кору амали некеро барои миллат ва давлати тоҷик анҷом надодааст. Боз даво менамояд, ки гӯё дар фаъолияти таблиғии худ муваффақ ҳастанд. Ҳол он ки онҳо худ бозичаи дасти хоҷагони бемағзу бешуури аврупо мебошанд.

Роҳбарону масъулони ин ҳизб бо пулу сармояи бегона фаъолият мекунанд, ки пас дар он иродаи озод вуҷуд дошта метавонад, онҳо танҳо супориши калонеро амалӣ менамоянд, ки сармоягузории асосии онҳоянд. Суоле ба миён меояд, ки ташкилот ва шахсиятҳое, ки худ озод нестанд, чӣ гуна метавонанд ба миллат ё давлате озодӣ бахшанд?

Бояд қайд намоям, ки дар замири ин гуна ашхос меҳру муҳаббат ба Ватан-модар ҷой надорад, онҳо хиёнаткоранд набояд ба онҳо бовар кард, шахсе ки ба Ватан хиёнат мекунад, ба модари худ хиёнат мекунанд, чунки Ватан-модар ҳамрадифанд. Онҳо бояд мисли Фирдавсӣ ва Айнӣ ба миллат ва Ватан Модари хеш хидмат бинамоянд, меҳри онро дар дилу ҷон бипарваранд:

Ҳар киро меҳри Ватан дар дил набошад, кофар аст.

Маънии ҳуббулватан фармудаи Пайғамбар аст.

Аъзои гурӯҳи «Созанда»

мудири шуъбаи маорифи

ноҳияи Зафаробод                          Д. Ниёзқулова

 

 

Беморхонаи марказии ноҳияи Зафаробод бо иқдоми МИҲД- ноҳия тариқи ҳашар таъмир мегардад. Дар ташкили корҳои ободони сахми сокинони ноҳия, фаъолон, собикадорон, аъзоени ҲХДТ сохибкорон назаррас мебошад. Ин иқдом дар татбиқи дастуру супоришхои Асосгузори сулҳу Ваҳдати милли, Пешвои миллат, Президенти Чумхурии Тоҷикистон муҳтарам Эмомали Раҳмон дар моҳи шарифи Рамазон равона гардида, дар ободонии маҳал мусоидат хоҳад кард

 

Мо ҷавонони ноҳияи Зафаробод аз ҳамоиши эътирозӣ, ки санаи 21 майи соли 2018 дар шаҳри Душанбе бар зидди оташдиҳандагони ифротгароии Кабирӣ ва хоҷагони хориҷиаш шуда гузашт, ҳаматарафа ҷонибдорӣ менамоем. Ва он хиёнаткори Ватан, Кабирии беномус ва ҳаммасрафони ӯ пинҳон нашавад. Биёяд дар назди қонун ҷавоб диҳад. Зеро, ки падару бобоҳоямон ин диёрро то ба ҳолати имрӯза оварданашон заҳмату меҳнатҳои бисёр кардаанд. Ҷонашонро қурбон намуданд. Нобуд шудани Тоҷикистони соҳибистиқлол ва ба нести рафтани миллати тоҷикро аз миён бурданд.

Вазъияти ниҳоят ҳассосу ноороми ҷаҳон мо ҷавононро водор мекунад, ки нисбат ба ҳар вақти дигар зираку хушёр бошем, дар щафлат намонем, манфиату зарари худро дар гуфтору амали хеш дуруст дарк кунем, ба қадри бузургтарин неъмату датовардҳои зиндагиамон – истиқлолияту озодӣ, соҳибватаниву соҳибдавлатӣ, сулҳу оромӣ ва ваҳдати миллӣ расем. Зеро маҳз истиқлолияти давлатӣ ба мо имкони зиндагии озод, ором ва осударо дар ин олами ноором додааст.

Имрӯз ҷавонон қувваи бузург, такягоҳи боэътимод, ояндаи миллати тамаддунсози тоҷиканд ва дар роҳи ободиву бунёдкори Кабирию ҳаммаслаконашро торумор мекунанд.

Ҳар як шаҳрванди кишвар бояд як масъалаи ниҳоят муҳимро амиқ дарк намояд: вазъи имрӯзаи ҷаҳон танҳо ба ҳалқу миллатҳое имкони вуҷуд доштану  рушд карданро медиҳад, ки онҳо дар баробари донишманд, аз назари технологӣ пешрафта ва созандаву эҷодкор буданашон, инчунин, бояд сарҷамъу муттаҳид бошанд, ҳадафҳои стратегии давлат, ҳастии миллати худро дар ҳама ҳолат ҳифз кардҷа тавонаднд ва бозичаи дасти доираҳои щаразноки сиёсӣ нашаванд.

Яъне мардум бояд ҳуввияти миллӣ ва ҳисси баланди ватандӯстиву ватанпарастӣ дошта бошанд, бо сабру таҳоммул ва иттифоқу сарҷамъӣ бо роҳи таърихии дар Конститутсия интихобкардаи худ устуворона пеш раванд.

Аъзои гурӯҳи «Созанда» : Бахши кор бо ҷавонон ва варзиши ноҳияи Зафаробод

Бо ташаббуси Кумитаи иҷроияи Ҳизби Халқии Демократии Тоҷикистон дар ноҳияи Зафаробод дар ҳамкорӣ бо ҷомеаи шаҳрвандӣ ва аз ҳисоби ҷавонони фаъолони ҷомеа, роҳбарони ташкилоту муассисаҳо бо мақсади тарғиб ва ташвиқи ғояҳои баланди ватандӯстӣ, ҳифзи арзишҳои миллӣ, тараннуми Истиқлолияти давлатию Ваҳдати миллӣ, мубориза бар зидди падидаҳои номатлуб ва хатарзои ҷомеа аз ҷумла терроризим ва ифротгароӣ, омилҳои бегонапарастӣ, мусоидат ба рушди устувори ҷомеа, ҳамчунин бо мақсади тадбиқи дастуру супоришҳое, ки Асосгузори сулҳу Ваҳдати миллӣ,  Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон дар мулоқот бо намояндагони ҷомеаи кишвар санаи 12 майи соли ҷорӣ баён карда буданд, гуруҳи махсуси тарғиботиву ташвиқотӣ таъсис дода шуд.

Ба гуруҳи мазкур бо пешниҳоди Раиси Кумитаи иҷроияи ҲХДТ дар вилояти Суғд муҳтарам Сарфароз Фаттоҳзода гуруҳи тарғиботиву ташвиқотии «СОЗАНДА» номгузори гардида, ҳайати гуруҳ бо мувофиқаи Сардори шуъбаи дар ноҳияи Зафаробод будаи Раёсати КДАМ ҶТ дар вилояти Суғд Сафаров Фируз Шарифович аз ҷониби Раиси ноҳияи Зафаробод муҳтарам Ашурзода Раҷаб Рӯзӣ тасдиқ карда шуд.

Имрӯз дар толори хурди Мақомоти иҷроияи ҳокимияти давлатии ноҳияи Зафаробод ҷаласаи аввалини гуруҳи тарғиботиву ташвиқотии «СОЗАНДА» бо иқдоми Кумитаи иҷроияи ҲХДТ дар ноҳияи Зафаробод баргузор гардид. Дар ҷаласаи имрӯза Раиси КИ ҲХДТ дар ноҳия Шарифов Туйғун Тоҳирович ва Сардори шуъбаи дар ноҳияи Зафаробод будаи Раёсати КДАМ ҶТ дар вилояти Суғд Сафаров Фируз Шарифович иштирок ва суханрони намуданд.

Дар баромади худ Раиси КИ ҲХДТ дар ноҳияи Зафаробод аъзоёни гурӯҳро вазифадор намуд, ки бо таҳияи нақша чорабиниҳои мушаххас дар ташкилотҳои ибтидоии ҳизбӣ, ҷамоатҳои шаҳраку деҳоти ноҳия, ташкилоту корхонаҳо ва маҳаллаҳои аҳолинишин вохӯрию мулоқот ташкил намуда, моҳияти масъалаҳои зикргардидаро ба ҷомеа расонанд. Инчунин  ҳамкориро бо васоити ахбори умум ва шабакаҳои иҷтимоӣ тариқи пешниҳоди вокуниш, изҳорот ва мақолаҳои тарғиботӣ ба роҳ монанд.

Сардори шуъбаи дар ноҳияи Зафаробод будаи Раёсати КДАМ ҶТ дар вилояти Суғд Сафав Фируз Шарифович дар баромади худ аз пайвастшавии ҷавонон ба ҳизбу ҳаракатҳои хусусияти террористи дошта нигарони карда, аъзоёни гуруҳро ба ҳушёрӣ ва зиракии сиёсӣ ҳидоят намуд. Бо ҳар як аъзои гуруҳ, ки 23 нафарро ташкил медиҳанд мулоқот намуда, назди онҳо вазифагузориҳои мушаххас гузошта шуд. Инчунин бо мақсади муайян намудани шахсияти аъзоёни гурӯҳ ҷамъ овардани маълумотнома ва варақаҳои шахсии онҳоро дар Кумитаи иҷроияи ҲХДТ дар ноҳия пешниҳод намуд.

Тибқи протоколи ҷаласаи аввалин ҳар моҳ як маротиба ҷамъомади ҳисоботии гурӯҳи «СОЗАНДА» гузаронида мешавад.Назорати умумии фаъолияти гуруҳи «Созанда» ба зиммаи Раиси Кумитаи иҷроияи ҲХДТ дар ноҳия Шарифов Т ва корманди шуъбаи дар ноҳияи Зафаробод будаи Раёсати КДАМ ҶТ дар вилояти Суғд Қаюмов Ш. вогузор карда шуд.

Муовини Раиси КИ ҲХДТ дар ноҳияи Зафаробод                   Дониёров Парвиз

Сомонаҳои расмӣ

Президенти Ҷумҳурии Тоҷикистон

МИҲД вилояти Суғд