Суханронии муовини раиси ноҳияи Зафаробод Заррина Абдуллозода дар машварати августии ҳайати роҳбарикунанда ва кормандони муассисаҳои давлатии таълимии соҳаи таҳсилоти ибтидоии касбии ҷумҳурӣ дар ноҳияи Зафаробод

24 Август 2018

Устодони азиз!

Ҳозирини муҳтарам!

                                                                                  Машварати августии имсолаи ҳайати роҳбарикунанда ва кормандони муассисаҳои давлатии таълимии соҳаи таҳсилоти ибтидои касбии вилояти Суғд дар ноҳияи Зафаробод дар чунин даврае гузашта истодааст, ки тамоми  сокинони кишвари азизамон  ба таҷлили 27-солагии Истиқлолияти давлатии Ҷумҳурии Тоҷикистон, 24-солагии қабули Конститутсияи Ҷумҳурии Тоҷикистон омодагии ҳаматарафа дида, баҳри дар амал татбиқ намудани ҳадафҳои  асосии Паёми имсолаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  ба Маҷлиси Олии Ҷумҳурии Тоҷикистон фаъолият бурда  истодаанд.

Аз фурсати муносиб истифода бурда ҳамаи иштироккунандагони машварати августии ҳайати роҳбарикунанда ва кормандони кормандони муассисаҳои давлатии соҳаи таҳсилоти ибтидои касбии вилояти Суғдро ба ноҳияи Зафаробод хайрамақдам мегўям.

Мақому мартабаи устодони муассисаҳои соҳаи таҳсилоти ибтидоии касбӣ дар назди ҷомеа ҳамеша баланд буд. Ва ҳеҷ касро бештару хубтар аз устодон гиромӣ намедоштанд ва устодон низ илмро афзалтар аз моли ҷаҳон медонистанд.

Дар ҳақиқат омўзгор-муаллим, устод, тарбиятгар буда, раҳнамои зиндагонӣ, равшанкунандаи қалбҳои пиру барно аст. Омўзгор ба мисли  машъали фурўзонест, ки тинати мардумро нур мебахшад, инсонро рўҳан тарбия намуда, барои ишғол кардани мавқеи муайяни ҳар як фард дар ҷомеа нақши муҳим мебозад. Бе омўзгор, бе раҳнамо ягон роҳ тай намешавад ва ба манзили мақсад касе нахоҳад расид.

Ниёгони мо ҳамеша ба таъкид мегуфтанд, ки ҷабри устод беҳ аз меҳри падар аст. Ва дар ин ҷода, яке аз маорифпарварони бузург Аҳмади Дониш фармудааст: Ҳаққи падар бузург аст ва ҳаққи устод бузургтар.

Бесабаб нест, ки Асосгузори сулҳу ваҳдати миллӣ Пешвои миллат, муҳтарам, Эмомалӣ Раҳмон дар ҳаққи омўзгор гуфтааст: «Муаллим ақл, шарафи виҷдони ҷомеа ва симои асосии он мебошад. Вай донишу заковат, гармии дили худро бедареғ ба шогирдони худ медиҳад ва хешро хушбахт мешуморад».

Дар ҳақиқат омўзгор баҳри таълиму тарбияи шогирдон ҳамеша ранҷи бисёре мекашад ва худ дар ин роҳ як умр месўзаду оламро мунаввар мегардонад.

Рушди тараққиёти мамлакат бевосита ба саъю талоши насли созандаву эҷодкор алоқаманд аст. Бинобар ин агар ба тарбияи ворисони соҳибмаърифату донишманд ва содиқи миллату Ватани хеш имрўз бо масъулият муносибат накунем, ифтихору ғурури миллии мо гирифтори  зоҳирпарастӣ шуда, дар доираи  ному дастовардҳои  бузургони гузаштаамон маҳдуд мемонад.

Мақомоти иҷроияи маҳаллии ҳокимияти давлатии ноҳия ба устодон ва кормандони муассисаи таълимии давлатии Литсейи саноати кишоварзии ноҳия  ҳамарўза таваҷҷуҳи хоса зоҳир мекунад ва ғамхорӣ нисбати онҳо ба хотири рушду такомули ин соҳа, боло бурдани сифати таълим ва тарбияи мутахассисони асил барои ҷомеа мебошад.

Бояд зикр намоям, ки  баҳри ҳарчи бештар фаро гирифтани наврасону ҷавонон ба шуғли доимӣ ва баланд бардоштани дараҷаи касбомўзӣ дар ноҳия фаъолияти литсей басо арзанда мебошад. Дар оянда мақомоти иҷроияи маҳаллии ҳокимияти давлатии ноҳия тасмим гирифтааст, ки баҳри пешрафти тарбияи насли навраси ноҳия дар муассисаи таълимии давлатии Литсейи саноати кишоварзии ноҳия  тамоми чораҳоро андешад.

Дар баробари фаъолияти муассисаи таълимии давлатии Литсейи саноати кишоварзии ноҳия бо ифтихор номи якчанд омўзгоронро қайд намудан ба маврид аст, ки эътибору шарафи касбии хешро бо тарзи таълими сифатан баланд ва тайёр намудани шогирдони болаёкат баланд бардоштаанд.

Муассисаи мазкур дар пешрафти таълиму тарбия корҳои зиёдеро ба анҷом расонида, дар давоми фаъолияти тулонии худ, ки 36 сол мебошад, зиёда аз 15 ҳазор ҷавонписарону духтаронро тарбия намуда, бо соҳиб гардонидани касбу кори гуногун ва ба шоҳроҳи ҳаёт расонидани онҳо ва дар пешрафти хоҷагии халқи ҷумҳурӣ, вилоят, ноҳия ва берун аз он саҳми босазое расонидаанд.

Литсейи касбии техникии саноати кишоварзии ноҳияи Зафарободро зарур аст, ки баҳри  ҷо ба ҷогузории кадрҳои ҷавон эътибори ҷиддӣ дода, барои омўзиши барномаҳои такмилдодашуда,  онҳоро  ба  курсҳои бозомўзӣ ҷалб  намояд.

Ҳамаи Шумо устодони азиз бояд аз он ифтихор намоед, ки соҳиби касби пуршарафи омўзгорӣ ҳастед. Имрўз ва фардои кишвар дар дасти шумост. Зеро маҳз Шумо устодони мўҳтарам, метавонед бо ғояҳои ватандўстиву хештаншиносӣ, ифтихор аз ватану ватандорӣ ҳисси бунёдкориву созандагӣ шогирдонро тарбия намоед.

Дар охир ҳамаи  шуморо, ба фарорасии соли нави таҳсил ва 27-умин солгарди Истиқлолияти давлатии Ҷумҳурии Тоҷикистон  самимона муборакбод намуда, бароятон тани сиҳат, саодати рўзгор ва комёбиву барори кор орзу менамоям.

Саломату сарбаланд бошед!

ДАСТГИРИИ НИЁЗМАНДОН ВА ОБОДОНИИ МАНЗИЛИ ЗИСТ ВАЗИФАИ ҶОНИЮ ИМОНИИ ҲАР ЯК ФАРД АСТ

23 Август 2018

Мақомоти иҷроияи ҳокимияти давлатии ноҳия  Қарори Маҷлиси Шўрои уламои Маркази исломии Ҷумҳурии Тоҷикистон аз 14.08.2018 сол, таҳти №06-ро ба маълумот гирифта санаи 21 августи соли ҷорӣ  Иди саиди Қурбонро дар шаш масҷиди ҳудуди ноҳия таҷлил намуд.

То оғози вақти намози Ид филми ҳуҷҷатии «Бозгашт аз ҷаҳаннам»-ро ба намозгузорон намоиш дода, имомхатибони масҷидҳо оид ба Фазилати иди Қурбон мавъиза намуда баҳри иҷрои дастуру супоришҳои  Асосгузори сулҳу ваҳдати миллӣ, Пешвои миллат, Президенти кишвар муҳтарам Эмомалӣ Раҳмон оид ба дастгирии ятимон, маъюбон, оилаҳои камбизоат ва барҷомонда, таъмири мактабу боғчаҳо, бунгоҳи тиббию беморхонаҳо, китобхонаҳо ва роҳу пулҳо мардумро ҳидоят намуданд. Пас аз тамошои филм ва мавъиза, намозгузорон аз рафтору кирдор ва  мақсадҳои нопоки ТЭТ ҲНИ ба пуррагӣ маълумот гирифта рафтори хоинонаи онҳоро маҳкум карда, даъват ба амал оварданд, ки ҳушёрию зиракиро аз даст надода якҷоя баҳри ободонии ватан ва гирифтани пеши роҳи дасисабозон мубориза мебаранд.

Санаи 21 август дар  масҷиди ҷомеъи марказии ба номи Имом Бухории Ҷамоати шаҳраки Зафаробод, масҷиди ҷомеъи ба номи Эшони Абдурасули Ҷамоати шаҳраки Меҳнатобод, масҷиди  ҷомеъи  ба номи Холид ибни Валиди Ҷамоати шаҳраки ба номи Ҳ. Алиев, масҷиди ҷомеъи ба номи Усмон ибни Афони Ҷамоати деҳоти Равшан, масҷиди панҷвақтаи ба номи Имоми Аъзам (р)-и Ҷамоати деҳоти Ҷомӣ ва масҷиди панҷвақтаи ба номи Салмони Форси деҳаи Бахти Ҷамоати деҳоти Равшан намози Иди саиди Қурбон гузаронида шуд.

Тибқи ҷадвали тасдиқгардида дар ҳамаи масҷидҳо намояндагони мақомоти иҷроияи ҳокимияти давлатии ноҳия табрикоти идонаи Раиси ноҳияро ба саҳми намозгузорон расониданд. Дар баробари ин Раиси ноҳия Ашурзода Р.Р ва намояндаи мақомоти иҷроияи ҳокимияти давлатии вилоят,  сардори Раёсати  кумитаи бехатарии озуқавории назди Ҳукумати Ҷумҳурии Тоҷикистон дар вилояти Суғд Икром Абдураҳмонӣ дар масҷиди ҷомеъи марказии ба номи Имом Бухорӣ табрикоти Раиси вилоят ва ноҳияро ба саҳми намозгузорон расонид.

Дар арафа ва рўзи иди саиди Қурбон  роҳбарон, хизматчиёни давлатӣ, кормандони мақомоти давлатии маҳаллӣ, раисони ҷамоатҳо, маҳаллаҳо, деҳаҳо, имомхатибони масҷидҳо, соҳибкорон, аҳли ҷамоатчигии ноҳия тасмим гирифтанд, ки дар баробари кўмаку дастгирии эҳтиёҷоти шахсони яккаву танҳо, маъюбону ятимон, оилаҳои камбизоату барҷомонда, дар корҳои ободониву созандагии ҳудуди ноҳия низ саҳм гирифта суханронии Пешвои миллат дар мулоқот бо  намояндагони аҳли ҷомеа мамлакатро ҳамчун раҳнамо ба ояндаи дурахшон  қабул намуда  дар таъмири муассисаҳои иҷтимоӣ аз ҷумла мактабу беморхона, маркази саломативу бунгоҳи тиббӣ, роҳу кўчаҳои маҳаллаҳои аҳолинишин,  саҳми худро гузошта истодаанд. Сокинони ноҳия тасмим гирифтанд, ки аз ҳисоби садақаи Қурбон ва дастаҷамъона бо роҳи ҳашар манзили зист ва  қабристонҳоро ободу зебо мегардонанд ва ҷашнҳои дар пеш истодаро бо меҳнати садоқатмандона пешвоз мегиранд.

Айни замон таъмири куллии маркази саломатии деҳаҳои Ҳаёти нав, Гулистон, ва таваллудхонаи минтақавии деҳаи Бахти Ҷамоати деҳоти Равшан, беморхонаи минтақавӣ ва маркази саломатии Ҷамоати шаҳраки Меҳнатобод аз ҳисоби соҳибкорон, ходимони дин ва аҳли ҷамоатчигӣ идома дорад. Сокинони деҳаи Бахти Ҷамоати деҳоти Равшан тасмим гирифтанд, ки бо роҳбарии сарвари МТМУ №12 Қодиров Абдураҳмон бинои идораи собиқ совхози Дўстиро дастаҷамъона таъмири куллӣ намуда барои фарзандони лаёқатманд муассисаи типи нав яъне гимназия кушояд. Ин иқдоми неки сокинонро раиси ноҳия Ашурзода Р.Р дастгирӣ намуда дастуру маслиҳатҳои муфид доданд.

Дар арафа ва рўзи иди саиди Қурбон  аз ҳисоби мақомоти иҷроияи ҳокимияти давлатии ноҳия,  ташкилоту корхонаҳо, соҳибкорони саховатманд ва иттиҳодияҳои динӣ ба 73 нафар ятимон, 154 нафар маъюбон, 207 оилаи ниёзманд, 2 манзили истиқоматӣ, 3 мактабу 1 боғча, 7 адад бунгоҳи тиббӣ ва беморхона, таъмири роҳу кучаҳои 3 деҳа, ва дигар амалҳои хайриявӣ   ба маблағи умумии 78747 сомонӣ кўмаки моддӣ расонида шуд.

Мавриди зикр аст, ки рўзи иди саиди Қурбон 10588 сомонӣ маблағ аз ҳисоби намозгузорон ҷамъ гардид.  Аз ҳисоби маблағи ҷамъшуда  аёдати  маъюбон, шахсони яккаву танҳо,  ятимон, оилаҳои камбизоату  барҷомондаи ҳудуди ноҳия ба ҷой оварда шуда дар шаш қисми сарҳадии ҳудуди ноҳия дастархони идона барои сарҳадбонон ташкил карда шуд.

Намози Иди саиди Қурбон дар ҳамаи 4 масҷиди ҷомеъ ва 2 масҷиди панҷвақтаи ҳудуди ноҳия соати 6.30 дақиқаи  пагоҳӣ бо иштироки зиёда аз 6010 нафар намозгузорон, ки 2520 нафар  аз 18 сола то 30 сола ва 3490 нафар аз 30 сола боло мебошанд оғоз гардида дар фазои ором ва осоишта соати 6.55 дақиқа ба итмом расид.

Сокинони ноҳия баҳри сазовор истиқбол гирифтани ҷашни 30- солагии Истиқлолияти давлатӣ тамоми чораву тадбирҳоро андешида корҳои ободонию созандагиро аз хонаю дар сар карда то куча, маҳалла, деҳа, ҷамоат ва ноҳия ба роҳ монданд.

Х.Шайдуллоев - мудири бахши дин, танзими анъана ва ҷашну маросими мақомоти иҷроияи ҳокимияти давлатии ноҳияи Зафаробод

Хайру эҳсон рисолати ҷавонмардист!

22 Август 2018

Ҳиммат баланд дор, ки мардони рузгор,

Аз ҳиммати баланд ба ҷое расидаанд.

Ҳамасола дар саросари кишвари соҳибистиқлоли мо иди саиди Қурбон чун иди аҷдодӣ ва садоқату меҳрубонӣ ҷиҳати арҷгузорӣ ба арзишҳои башардўстонаи дини мубини Ислом таҷлил карда мешавад. Аз баракати Истиқлолияти давлатӣ  мардум фаризаҳои асосии иди шарифи Курбонро озодона ва бемамоният адо менамоянд. Дар баробари  ба  ҷо овардани аҳкоми ид ба аёдату табрикоти пайвандону наздикон, беморону пиронсолон, зиёрати марқади гузаштагон рафтан, ба дардмандону ниёзмандон ашхоси камбизоат, ятимону маъюбон хайру эҳсон намуданд ба ҳукми анъана даромадааст.

Дар ноҳияи Зафаробод низ иди саиди Қурбон бо риояи суннатҳои хоса  баргузор гардид. Сокинони ноҳия бо руҳияи баланд, шукргузорӣ аз ваҳдату суботи кишвар фаризаҳои идро ба ҷо оварданд. Бештар аз ҳамаи аёдати оилаҳои  ниёзманд, нафарони баруманд, ки дар рушди ноҳия саҳмгузоранд, афсарону сарбозони кисмҳои низомӣ, ки тибқи дастури Асосгузори суҳлу ваҳдати миллӣ-Пешвои миллат, Президенти Ҷумҳурии Тоҷикистон  расми анъанаро касб кардааст, ба роҳ монда шуд.

Дар арафа ва рузи ид аз ҷониби  роҳбарият ва масъулони  мақомоти иҷроияи ҳокимияти давлатии ноҳия, Кумитаи иҷроияи Ҳизби Халқии Демократии Тоҷикистон дар ноҳия ва кормандони ҷамоатҳои шаҳраку деҳот  як гурўҳ оилаҳо ва нафарони алоҳида аёдат гардида ба онҳо табрикоти идона расонида шуд. Дар 7 дидбонгоҳи сарҳадии ноҳия дастурхони идона ва барномаи консертӣ ташкил карда шуд.

Сокинони ноҳия бо эҳсоси шодмонӣ аз икдоми саховатмандона миннатдорӣ намуда, иброз доштанд, ки  ҳамаи ин кумаку дастгириҳо аз ғамхориҳои падаронаи Пешвои миллат мўҳтарам Эмомалӣ Раҳмон маъво мегирад. Бинобар он ҳар як сокини кишварро зарур аст, ки шукри ин ватани биҳиштосо, шукри ин мардуми сарбаланд ва шукронаи ин сарвари ғамхору раиятпарварро намуда барои рушду шукуфоии бештари Тоҷикистони азиз заҳмат кашем.

Рузибой Ашуров - муовини раиси КИ ҲХДТ дар ноҳияи Зафаробод