mt3.org

Хабарҳо

 

Ҳамдиёрони гиромӣ!

Имрӯз кулли мардуми Тоҷикистони азиз, аз ҷумла сокинони сарбаланду зафарманди ноҳияи Зафаробод ҷашни хуҷаставу фархунда, Наврӯзи Аҷамро дар шароити сулҳу ваҳдати комил, суботи сиёсӣ бо самимияти хосаву нишоти беандоза таҷлил менамоянд.

Дар оғози ин тантанаҳо тамоми мардуми сарбаланди кишвар аз ҷумла сокинони ноҳияро бо Иди Наврӯзи оламафрӯз самимона табрику шодбош гуфта, рӯзгори ободу осуда, сарбаландӣ ва саодати ҳамешагиро таманно мекунам.

Наврӯз дастоварди таърихии миллати тоҷик буда, дар даврони соҳибистиқлолии Тоҷикистони азиз бо талошҳои пайвастаи Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон арзишу манзалати хоса пайдо намуд.

Шинохти манзалати Наврӯз дар он аст, ки аз ҷониби созмони умумиҷаҳонии Юнеско ин ҷашн ҷаҳонӣ гардид.

Таҷлили Наврӯзро аҷдодони мо бо суннатҳои барҷаста истиқбол намуда, бо нерӯи идона корҳои созандагиву бунёдкориро вусъат медоданд. Ҳамчунин яке аз фазилатҳои ҷашни Наврӯз ҳамдиливу сарҷамъии аҳли ҷомеа ва хушҳоливу хурсандии хурду бузург маҳсуб меёфт.

Сокинони ноҳияи Зафаробод низ арзишу эътибори ин ҷашни мардумиву миллии Наврӯзро қадр намуда, ҳамасола онро шукӯҳманду ботантана таҷлил менамоянд.

Имрӯз ноҳия рӯҳияи наврӯзӣ дорад. Дар ҷамоатҳои шаҳраку деҳоти ноҳия корҳои ободониву бунёдкорӣ бо мақсади сазовор таҷлил намудани ҷашни 30-солагии Истиқлоли давлатии Ҷумҳурии Тоҷикистон бо маром идома дошта, мардуми сарбаланди ноҳия бо дарки баланди масъулиятшиносиву меҳанпарасти ин санаи таърихиро бо дастовардҳои назаррас истиқбол мегиранд.

Бо шарофати сиёсати хирадмандонаю созандаи Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон ва дастуру раҳнамоиҳои Ҳукумати мамлакат имрӯз кишвари азизи мо - Тоҷикистон ба марҳилаи нави рушд ворид гаштааст.

Ҳамдиёрони азиз!

Ҳар қадар, ки ҷашни Наврӯзро бо шодию фараҳ ва сазовор таҷлил намоем ҳамон қадар файзу нусрат ва баракотро насиб хоҳем гашт.

Бо чунин ниятҳои нек бори дигар ҳамаи Шумо сокинони шарафманди ноҳияро бо фарорасии Наврӯзи фаррухқадам ва оламафрӯз самимона муборакбод гуфта, бароятон хушиҳои рӯзгор, шукуфоиву нусрат, нишоту комронӣ орзу мекунам.

Бигзор хонадони ҳар як сокини кишвар ва ноҳия пурнеъмату файзбор бошад!

Наврӯз иқболи нав, нерӯи нав, афкори навин, руҳияи болидаю созандагӣ ба ҳар яки шумо эҳдо намояд!

Ҷашни Наврӯз муборак ҳамдиёрони азиз!

 

 

Ҳамдиёрони азиз!

 

Дар ҷаҳони муосир  нақши воситаҳои  ахбори омма барои расонидани иттилоъ ва таҳлилу баррасии масъалаҳои мубрами ҷомеа назаррас буда, воситаи ахбори омма чун як рукни муҳими сиёсӣ ва маънавии ҷомеа дар таҳкими асолати миллӣ, давлатдорӣ, ҷаҳонбинии мардум ва пойдории адолату воқеият нақши бориз дорад.

Асосгузори сулҳу Ваҳдати милл-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барҳақ зикр намудаанд: «Дар шароити мураккаби ҷаҳонишавӣ вазифаи  шабакаҳои иттилоотӣ зиёд гардида, масъалаҳои тарғиби фарҳанги миллӣ, расму ойинҳои мардумӣ ташвиқи андеша ва тафаккури миллӣ, тарбияи насли ояндасоз, риояи меъёрҳои забони давлатӣ ва ҳифзу асолати тозагии он рисолати муҳими воситаҳои ахбор ба шумор меравад».

Бояд зикр намуд, ки бо шарофати Истиқлоли давлатӣ шароитҳои беҳтарини фаъолият барои кормандони васоити ахбори омма муҳаё гардида, имрӯз кормандони ин соҳа -рӯзноманигорони касбӣ ва хабарнигорони ҷамоавӣ метавонанд озодона рисолати касбии хешро ба ҷой оваранд.

Имрӯз дар ноҳия рузномаи «Зарбдор» фаъолият менамояд, ки инъикосгарӣ набзи зиндагии сокинони ноҳия  мебошад. Чандин сол аст, ки ходимони рӯзномаи мазкур  ба мисоли  Аббос Иброҳимов, Малика Қаюмова, Ҷонмурод Муродбеков барин мутахассисон бо масъулияти баланд дар нашри рӯзнома саҳм мегузоранд. Истифода аз маҳорати касбӣ ва таҷрибаи соҳавӣ мактаби рӯзноманигории хешро ташкил кардаанд.

Бо истифода аз фурсати муносиб аҳли қаламкашону матбуотчиёни ноҳияро ба муносибати Рӯзи матбуот самимона табрик менамоям. Бароятон сарбаландӣ, саодати рӯзгор ва дар таҳкими сулҳу Ваҳдат ва  истиқлоли кишвар тавассути расонаҳои хабарӣ комёбиҳо таманно менамоям.

Иди касби муборак!

 

 

 

Имрӯз дар қасри фарҳанги ноҳия бо иштироки Раиси ноҳияи Зафаробод Ашурзода Раҷаб Рӯзӣ, Сарнозири шуъбаи муқовимат бо карупсияи Раёсати Агентии назорати давлатии молиявӣ ва мубориза бо карупсия дар вилояти Суғд подполковники адлия Қодирҷонзода Абдуҷалол, прокурори ноҳия Мадохирзода Шавкат мулоқот баргузор гардид.

Дар вохӯрӣ муовинони раиси ноҳия, мудирони шуъба ва бахшҳои мақомоти иҷроияи ҳокимияти давлатии ноҳия, раисони ҷамоатҳои шаҳраку деҳот, сарварони муассисаҳои таҳсилоти миёнаи умумӣ ва касбӣ, роҳбарони ташкилоту муассисаҳо ва  раисони маҳаллаҳои аҳолинишин иштирок намуданд.

Раиси ноҳия Ашурзода Раҷаб Рӯзӣ оид ба муҳтавои Паёми навбатии Асосгузори сулҳу ваҳдати миллӣ Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон “Дар бораи самтҳои асосии сиёсати дохилӣ ва хориҷии ҷумҳурӣ” суханронӣ намуд.

Сипас Сарнозири шуъбаи муқовимат бо карупсияи Раёсати Агентии назорати давлатии молиявӣ ва мубориза бо карупсия дар вилояти Суғд подполковники адлия Қодирҷонзода Абдуҷалол оид ба муҳтавои Паёми навбатии Асосгузори сулҳу ваҳдати миллӣ Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон “Дар бораи самтҳои асосии сиёсати дохилӣ ва хориҷии ҷумҳурӣ” ва  рафти иҷрои Қонуни Ҷумҳурии Тоҷикистон “Дар бораи муқовимат бо коррупсия”, ки аз 7-уми августи соли 2020 таҳти №1714 тасдиқ шудааст суханронӣ намуд.

Прокурори ноҳия Мадохирзода Шавкат оид ба муҳтавои Паёми навбатии Асосгузори сулҳу ваҳдати миллӣ Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон “Дар бораи самтҳои асосии сиёсати дохилӣ ва хориҷии ҷумҳурӣ” ва тағйиру иловаҳо ба қонуни Ҷумҳурии Тоҷикистон “Дар бораи уҳдадории ҳарбӣ ва хизмати ҳарбӣ”, ки бо қарори Маҷлиси Миллии Маҷлиси Олии Ҷумҳурии Тоҷикистон аз 25 январи соли 2021 таҳти №113 тасдиқ шудаст баромад намуд.

Сокинони ноҳия дар имрӯза мулоқот оид ба муҳтавои Паёми навбатии Асосгузори сулҳу ваҳдати миллӣ Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон “Дар бораи самтҳои асосии сиёсати дохилӣ ва хориҷии ҷумҳурӣ”,  рафти иҷрои Қонуни Ҷумҳурии Тоҷикистон “Дар бораи муқовимат бо коррупсия” ва тағйиру иловаҳо ба қонуни Ҷумҳурии Тоҷикистон “Дар бораи уҳдадории ҳарбӣ ва хизмати ҳарбӣ” маълумоти пурра гирифтанд.

 

Санаи 11 феврали соли 2021 дар Ҷамоати шаҳраки ба номи Ҳамид Алиев мулокоти Раиси кумитаи иҷроияи ҲХДТ дар вилояти Суғд Исмоилзода Зуфар Муртазохон, раиси ноҳияи Зафаробод Ашурзода Раҷаб Рӯзӣ, роҳбарони сохторҳои ҳифзи ҳуқуқ бо сокинони ҷамоат баргузор гардид. Муҳтавои мулоқот тарғиби Пайёми Асосгузори сулҳу ваҳдати миллӣ, Пешвои миллат-Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии мамлакатро дар бар гирифта, ҳамчунин фаъолияти ташкилоту муассисаҳо ва хоҷагиҳои ҳудуди Ҷамоат мавриди баррасӣ қарор дода шуд. Исмоилзода Зуфар Муртазохон доир ба Паём, нақши он дар пешрафти зиндагии сокинон, иқдомоти Сарвари давлат ва нақшаҳои минбаъда баромад намуд. Ҳамчунин номбурда ба ҳайси номзад ба вакилии Маҷлиси вакилони халқи вилояти Суғд аз ҳавзаи интихоботии “Пахтакор №50” зикр намуд, ки аз рӯи Барномаи пешазинтихоботӣ тасмим мегирад барои ободонии маҳаллаҳои худуди ҳавза, ва мусоидат ба масъалаҳои ҳалталаби сокинон ба хотири фароҳам овардани зиндагии шоиста тасмим мегирад. Ашурзода Раҷаб Рӯзӣ-раиси ноҳияи Зафаробод аз фаъолияти масъулони Ҷамоати Ҳамид Алиев натиҷабардорӣ намуда, ҷиҳати тақвият бахшидани корҳои ободонию созандагӣ расидан ба дастовардҳои арзанда, ба шаҳрвандони ҷамоат дастурҳо дод. Зикр карда шуд, ки барои ноил гардидан ба натиҷаҳои арзанда дастурҳои Паёми Пешвои миллат муҳтарам Эмомалӣ Раҳмон санади раҳнамо буда, танҳо меҳнати содиқона ва масъулияти баланд метавонад моро ба мақсад расонад.

 

Сомонаҳои расмӣ

Президенти Ҷумҳурии Тоҷикистон

МИҲД вилояти Суғд