Нишасти матбуотӣ дар мақомоти иҷроияи ҳокимияти давлатии ноҳияи Зафаробод

09 Февраль 2021

Санаи 8-уми январи соли 2021 тибқи Амри Президенти Ҷумҳурии Тоҷикистон аз 15 сентябри соли 2011, № АП-1729 ва ҷадвали баргузории нишастҳои матбуотӣ дар мақомоти иҷроияи ҳокимияти давлатии шаҳру ноҳияҳо, сарраёсату раёсатҳо, ташкилоту идораҳо ва муассисаҳои вилояти Суғд дар толори мақомоти иҷроияи ҳокимияти давлатии ноҳияи Зафаробод нишасти матбуотӣ баргузор гардид. Дар нишасти матбуотӣ намояндаи мақомоти иҷроияи ҳокимияти давлатии вилояти Суғд  Сардори Раёсати Кумитаи бехатарии озуқаворӣ дар вилояти Суғд Ализода Аъзамҷон иштирок намуд.

Дар нишасти матбуотӣ намояндагони васоити ахбори омма дар ноҳия ширкат доштанд.

Раиси ноҳия Ашурзода Раҷаб Рӯзӣ оид ба фаъолияти мақомоти иҷроияи ҳокимияти давлатии ноҳия дар соли 2020 маълумоти мухтасарро ба саҳми ҳозирин расониданд .

Пас аз баромади Раиси ноҳия Ашурзода Раҷаб Рӯзӣ аз тарафи мухбирони ноҳиявӣ саволҳо дода ва ба савоҳои худ ҷавобҳои мусбӣ гирифтанд.

Паём- нишонаи моҳияти декморатӣ доштани давлат аст

08 Февраль 2021

Дар Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон маъмулан маҷмуаи дидгоҳҳои ҷорӣ ва дурбурдии роҳбари давлат дар масъалаҳои сиёсӣ, иқтисодӣ, иҷтимоӣ фарҳангӣ, амниятӣ, байналмилалӣ ва ғайра ифода ёфтанд. Он ҳамчун муҳимтарин суханронии иттилоотию ҷамъбастӣ ва дар айни замон, усулию самтмуайянкунандаи роҳбари давлат маъмулан бо тартибу ташрифоти махсус дар назди мардум ё намояндагони мардумӣироа шуда, талабот ё рўйдоди муҳиммии давлатию сиёсӣба ҳисоб меравад. Паёми роҳбари ҳар давлат, пеш аз ҳама моҳияти маълумотию ҳисоботӣ дорад. Ба воситаи Паём роҳбари давлат дар бораи вазъияти ҷории кишвар ва фаъолияти худ ва ҳамкоронаш дар марҳилаи муайян маълумоту ҳисобот дода, бурду бохти давлат ва худро назди ҷомеа ба миён мегузорад. Давраи ҳисоботии Паём метавонад сол ё марҳилаи муайяни рушд ё таърихро дар бар гирад ва чунин бахши ҳисоботӣ дар шакли ҷудогона ва ё зимни таҳлилу баррасии саҳаҳои алоҳидаи ҳаёти кишвар дар ҳамаи Паёмҳои солонаи роҳбари давлат дида мешаванд.

Ҳособотдиҳандагии солонаи роҳбари кишвар дар назди мардум (ба воситаи Паём дар ҳузури намояндагони мардум) яке аз нишонаҳои муҳимтарини низоми мардумсолорист, ки ба ин восита роҳбарияти ҳар кишвар фаъолияти худро ба доварии мурдум мегузорад. Бинобар ин, барои ироаи чунин паёми ҳисоботӣ роҳбари давлат ва командаи ҳамкоронаш моҳҳо омодагӣмебинанд, то аз ин ҳисобот бо муваффақият бароянд. Дар ин раванди мураккабу тўлонӣ ҳар хулосаву тезис, ҳар рақаму натиҷа, ҳар вазифаю пешниҳод ва ҳатто ҳар калимаю ибора ба таври ҷиддӣ санҷидаву суфта мешаванд.

Дар кишвари ҳамасола ироа шудани Паёми Президенти Ҷумҳурии Тоҷикистон яке аз аломатҳо ва атрибутҳои асосии истиқлолияти сиёсии Ҷумҳурии Тоҷикистон ба ҳисоб меравад. Агар сарнавишти таърихии миллати тоҷикро пеши назар орем, худи ҳодисаи имрўз мустақилона Паём додан, яъне мустақилона муайян кардани сарнавишти худ, дар ҳақиқат, тантанаи давлатдории миллӣ ва амалӣ шудани ормонҳои таърихии гузаштагони мо дар бораи соҳибдавлатӣ ва истиқлолият аст. Ин ҷанбаи паём ҳамчун акти давлатӣва набзи давлатдорӣ бисёр муҳим мебошад.

Аз ин назар низ ташрифоти махсуси давлатӣ доштани марсими ироаи Паём, ҷалби намояндагони фаъоли ҷомеа дар маросими шунидани он ва як навъ ҳолати идонаву тантанавӣ гирифтани худи ин рўйдод маҳз аз назари ба маънои рамз ё тантанаи истиқлолияти давлатӣ фаҳмида шудани он муҳим мебошад. Ба ин маъно, ҳар Паёми солонаи роҳбари давлат як таъкид ба худсолории миллӣ ва як ҷашни истиқлолият аст. Ин ҷо низ, новобаста аз мазмуни Паём, ки метавонад ҳолат ё сиёсати хоссеро дар замони муайян ифода кунад, аҳаммияти сиёсӣ ва рамзии он ҳамчун аломати истиқлолияти давлатӣ боқӣ мемонад.

Омӯзгори Коллеҷи омӯзгории н.Зафаробод     Дилмурод Бердиев

Паём-роҳнамои мо

05 Февраль 2021

Cанаҳои 4 ва 5-уми феврали соли 2021 бо иштироки аъзои узви Маҷлиси миллии Маҷлиси Олии Ҷумҳурии Тоҷикистон муҳтарама Муминова Фирӯза Исроиловна ва ҳайати гурӯҳи тарғиботию ташвиқотии мақомоти иҷроияи ҳокимияти давлатии вилояти Суғд дар ҳайати устоди Донишгоҳи давлатии шаҳри Хуҷанд ба номи академик Бобоҷон Ғафуров Исомаддинов Ҷурабек, устоди Донишгоҳи давлатии ҳуқуқ, бизнес ва сиёсати Тоҷикистон Алимов Ботур ва устоди Донишгоҳи давлатии шаҳри Хуҷанд ба номи академик Бобоҷон Ғафуров Алашукуров Беҳзод ва раиси ноҳияи Зафаробод Ашурзода Раҷаб Рӯзӣ бо сокинони Ҷамоатҳои шаҳраку деҳоти ноҳия вохӯрӣ баргузор гардид.

Дар вохӯриҳо узви Маҷлиси миллии Маҷлиси Олии Ҷумҳурии Тоҷикистон муҳтарама Муминова Фирӯза баромад намуда, оид ба самтҳои асосии Паёми навбатии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон ба Маҷлиси Олии Ҷумҳурии Тоҷистон, ки санаи 26 январи соли 2021 ироа гардида буд, ибрози андеша намуд.

Маврид ба зикр аст, ки дар мулоқотҳои баргузоргардида сокинон нуқтаҳои Паёми Пешвои миллатро бо дарки баланди масъулиятшиносӣ қабул намуда, фикру андешаҳои баромадкунандагонро бо таваҷҷуҳ гуш намуданд. Таъкид карда шуд, ки дар натиҷаи сиёсати хирандмандонаю сулҳпарваронаи Пешвои муаззами миллат Истиқлолияти давлатӣ пойдор гардида, хоҷагии халқи кишвар рушд намуд. Ҳамзамон қайд гардид, ки дар ин давра бо роҳбарии Сарвари давлат се ҳадафи стратегии мамлакат татбиқ гардида, ҳадафи чорум яъне саноатикунонии босуръати мамлакат роҳандозӣ шуда истодааст.

Имрӯз дар саросари мамлакат корҳои ободонию созандагӣ вусъат гирифта, мардум бо мақсади истиқболи ҷашни фархундаи                30-солагии Истиқлоли давлатии Ҷумҳурии Тоҷикистон тамоми имкониятҳоро роҳандози намуда истодаанд.

Ҳамзамон оид ба зиёд намудани нафақаҳои маъюбӣ, идрокпулиҳо ва аз андози ягона озод намудани хоҷагиҳои деҳқонӣ иқдомҳои иҷтимоиву инсонпарварона ва хайрандешонаи навбатии Пешвои муаззами миллат буда, дар таъмини амнияти озуқавории кишвар ва баланд намудани сатҳи зиндагии мардум саҳми босазо хоҳанд гузошт.

Дар фарҷоми мулоқотҳо ба саволҳои иштирокдорон аз ҷониби ҳайати гуруҳи тарғиботӣ посухҳои мушаххас дода шуд. Корҳои тарғиботию ташвиқотӣ дар Ҷамоатҳои шаҳраку деҳоти ноҳия оид ба муҳтавои Паёми Пешвои миллат идома дорад.