Нишасти матбуотӣ дар мақомоти иҷроияи ҳокимияти давлатии ноҳияи Зафаробод

31 Январь 2023

Нишасти матбуотӣ дар мақомоти иҷроияи

ҳокимияти давлатии ноҳияи Зафаробод

Мақомоти иҷроияи ҳокимияти давлатии ноҳия дар асоси Амри Президенти Ҷумҳурии Тоҷикистон аз 15 сентябри соли 2011, таҳти № АП-1729  ва тибқи ҷадвали ирсолшудаи мақомоти иҷроияи ҳокимияти давлатии вилояти Суғд аз 26 январи соли 2023 «Оид ба ташкил ва баргузории нишастҳои матбуотӣ дар мақомоти иҷроияи ҳокимияти давлатии шаҳру ноҳияҳо», санаи 30 январи соли 2023 дар толори маҷлисгоҳи мақомоти иҷроияи ҳокимияти давлатии ноҳия нишасти матбуотӣ доир ба натиҷаҳои рушди иқтисодиву иҷтимоии ноҳия дар соли 2022 бо иштироки Раиси ноҳия, муовинони раис, мудирони шуъбаҳо, роҳбарони ташкилоту муассисаҳо ва рӯзноманигорон баргузор гардид.

Дар нишасти матбуотӣ намояндаи мақомоти иҷроияи ҳокимияти давлатии вилояти Суғд, Бобоев М иштирок намуданд.

Дар оғози нишасти матбуотӣ Раиси ноҳия оид ба фаъолияти  ҷабҳаҳои мухталифи хоҳагии халқи ноҳия дар соли 2022 маълумоти муфассал дод.

Раиси ноҳия инчунин оид ба дастовардҳои соҳаҳои саноат, кишоварзӣ, иқтисодиёт, сохтмон ва иҷтимоиёти ноҳия дар соли 2022 маълумот дода, қайд намуд, ки фаъолияти хоҷагии халқи ноҳия дар асоси Паёми Асосгузори сулҳу Ваҳдати милллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, дастуру супоришҳои Ҳукумати кишвар ва мақомоти иҷроияи ҳокимияти давлатии вилояти Суғд баҳри  ривоҷу равнақ ва инкишофи соҳаҳои мухталифи  хоҷагии халқ ба роҳ монда шудааст.

Намояндагони воситаҳои ахбори омма аз натиҷаҳои фаъолият  дар соҳаҳои мухталифи хоҷагии халқи ноҳия дар соли 2022 маълумот гирифта, ҳамчунин оид ба фаъолияти минбаъда мубодилаи афкор намуданд. Рӯзноманигорон бештар ба вазъи имрӯзаи корҳо дар самти бунёдкориву созандагӣ, беҳдошти муҳити зист, зиндагии мардум, вазъи таъмини оби нӯшокӣ, таъминот бо оби полезӣ, ҳунаромӯзӣ, ташкили шабакаи телевизиони маҳаллӣ мароқ зоҳир намуда, аз тарафи Раиси ноҳия маълумотҳои заруриро дастрас намуданд.

Ҳамчунин оид ба корҳои омодагӣ ба истиқболи 35- солагии Истиқлолияти давлатии Ҷумҳурии Тоҷикистон,  солҳои 2022-2026 «Солҳои рушди саноат» ибрози андеша намуданд.

Дар нишасти матбуотӣ сармуҳаррири рӯзномаи ноҳиявии «Зарбдор» Иброҳимов А., кормандони  масъули рӯзномаи ноҳиявӣ Қаюмова М., мухбири ҷамоатчии рӯзномаи вилоятии «Согдийская Правда», Рустамов З. ва мухбири ҷамоатчии рӯзномаҳои ҳизбии «Минбари халқ» ва «Сухани халқ» Шарифзода Т. иштирок намуда, ба саволҳои худ посухҳои мушаххас гирифтанд.

Шоназаров Ш.                    Мудири шуъбаи рушди иҷтимоӣ ва робита бо ҷомеаи дастгоҳи Раиси ноҳия

НАҚШИ ИЛМ ВА АДАБИЁТ ДАР ТАҲКИМИ ХУДШИНОСӢ ВА ИФТИХОРИ МИЛЛӢ

27 Январь 2023

НАҚШИ ИЛМ ВА АДАБИЁТ ДАР ТАҲКИМИ ХУДШИНОСӢ ВА ИФТИХОРИ МИЛЛӢ

Дар қиссаву таърих чу озода бихонед,

Мақсуд аз озода шумоед, шумоед.

Деҳхудо

Илм ва адабиёт ҳамеша гирҳекушои инсон буд, яъне аз оғоз барои раҳоӣ аз мушкилот, асорати динӣ, мазҳабӣ, тарғиби ахлоқи пок, одамият, худшиносӣ, инсоншиносӣ, диншиносӣ ва ғайра хидмат менамуд, по ба пои замон ва талаботҳои он амал мекард, пеш мерафт. Ба хотир биёред, талошҳои олимону адибони моро баъд аз истилои араб, муқовимат ва муборизаи онҳоро ба забони бегона, яъне арабӣ, баргардони осори илмиву адабӣ ба забони арабӣ, барои аз нобудӣ раҳонидан ва баъдан аз нав ба тоҷикӣ тарҷума намудан, хусусан кӯшишҳои Рӯдакӣ ва соири адибони замони Сомонӣ, ки хеле босамар буданд. Дар ин бора устод Саид Нафисӣ чунин гуфтааст: «Кореро, ки Амир Исмоили Сомонӣ бо шамшери буррандаи хеш огоз карда буд, Абдуллоҳ Ҷаъфар ибни Муҳаммад бо хомаи хеш ба поён расонид. Ин Абӯабдуллоҳ Ҷаъфар ибни Муҳаммад роҳбаре тавоно буд, ки роҳро барои Дақиқӣ ва Кисоӣ ва Фирдавсӣ кушуд ва муҳандиси ҳунарманде буд, ки хонаи ҷовидонии Унсуриву Фаррухиву Асҷадиву Мунҷик ва Носири Хусравро пояе устувор ниҳод».[1] Ба қавли шоире:

Подробнее

МУБОРИЗА БО ИФРОТГАРОӢ

26 Январь 2023

МУБОРИЗА БО ИФРОТГАРОӢ

(Дар партави Паём)

Имрӯзҳо тамоми ҷомеаи ҷаҳониро зуҳуроти зиддиинсонии терроризм ва ифротгароии динӣ ба ташвиш оварда, он ба яке аз падидаҳои доғи рӯз табдил ёфтааст. Зеро натиҷаҳо нишон доданд, ки амалҳои иғвогарона ва тундравонаи ташкилотҳои террористӣ ва баъзе аз кишварҳои манфиатдор ба амнияти миллӣ ва давлатии баъзе аз кишварҳои ҷаҳон пайомадҳои ногуворро ба бор оварданд. Тайи солҳои охир падидаҳои ҷаҳонишавӣ дар ҳоли рушд қарор дошта, дар байни халқу миллатҳо муносибатҳои нисбатан нави сиёсӣ, иқтисодӣ, иҷтимоӣ ва фарҳангӣ шакл гирифта истодаро ба коми худ кашида истодааст.

Чуноне, ки маълум аст дар як қатор кишварҳои ҷаҳон муборизаҳои шадиди сиёсӣ алайҳи инсоният дар шакли ҷангу низоъҳои харобиовар идома дошта, боиси афзоиши шумораи фирориёни иҷборӣ, бекорӣ, гуруснагӣ ва шиддат гирифтани масъалаҳои дигари иҷтимоӣ гардидаанд.

Подробнее